माळावरची सुंदरी

माळावरच्या वीज नसलेल्या त्या पत्र्याच्या घरात गावातील बऱ्याच लोकांनी मध्यस्थी करुन बघितली. शेवटी शेवटी नवरा थोड़ा नरमला होता पण सासू काही केल्या तयार झाली नाही. अखेर सातवी पण मुलगीच झाली अन गेली दहा वर्षे डोक्याला गुंडाळलेला माळावरच्या सुंदरीचा "स्कार्फ" एकदाचा सुटला. पण सहा पोरीनी चिटून चिटून आधीच सापळा झालेल्या सुंदरीच्या देहावरची दोन स्तनाग्रे दिसेनासी झाली...
...पण यावरही गप्प बसेल तर ती सुंदरीची सासु कशी शोभली असती. मग हिने देहाच्या आटलेल्या धमन्यामधून दुधाचे झरे वाहवेत म्हणून तिच्या संपूर्ण मेलेल्या छातीला "एरंडमुंगळीच्या" चिकाचा लेप थापला आणि सुंदरीचा प्रवास नानाच्या "टाटा सूमो" मधून माळावरचा धुरळा उडवत शहराकडे सुरु झालाय... घराच्या मागच्या बाजूला पिपरणीच्या झाडाखाली उघड्या बंब खेळणाऱ्या तिच्या कित्येक निरागस चिमुकल्यांना मागे मागे सोडत...