गोठ्यातल्या खुराडातला कोंबडा ओरडला तशी तोंडावरची वाकाळ काढून बारक्या नान्यानं थोरल्या सुमीला रात्री ठरल्याप्रमाणे वाडीच्या जत्रेला जायचं म्हणून गड़बडीनं उठिवलं. जात्याला उसं करुन घोरत पडलेल्या शेवंताबाईला जागी झालेल्या सुमीनं, "आयं उठ की बाहिर उजाडलय!" म्हणत हलवून जागी केली. शेवंताबाई उठून बाहेर अंगणापुढच्या गोठ्याकडं आली. नुकतंच तांबडं फुटलं होत. आकाशात पूसट पुसट चांदण्या दिसत होत्या. गोठ्याच्या कुडाला अड़कवलेला तुरकाटीचा खराटा काढून घराच्या दारापासून गोठ्यापर्यंत सारं आंगण झाडून काढलं. गोठ्यातली शाणघान काढ़ली. नान्यानं गंजीच्या चार कडब्याच्या पेंढ़या उपसुन कचा कचा तोडल्या. दोन गंजीपुढं ठेवून त्यावर कुराड आडवी ठेवली. दोन पेंढ़या म्हशीपुढं नेवून दावणीत विस्कटल्या. सुमीनं आटायला लागलेल्या म्हशीची थानं हातातल्या तांब्यात पिळली. सोप्यातनं उठून आलेल्या म्हातारीनं गोठ्यात रचलेली शेणकुटे चुलीतकोंबून बाहेरच्या चुलीवर पाणी तापत ठेवलं...
पूर्ण कथा वाचा लवकरच पुस्तक रुपात.....
Ekdam mast !!!
ReplyDelete